யாருக்கெல்லாம் ராவணன் படம் பிடிக்கிறது ?

நேற்று அலுவலகம் சென்ற எனக்கு ஆச்சர்யம்.. லீவே எடுக்காத என் நண்பன் வரவில்லை...

இன்றுதான் காரணம் தெரிந்தது..

" ராவணன் படம் பார்க்கணும் போல இருந்துச்சுடா மச்சான் .. அதான், நம்ம மக்களோட போயிட்டு வந்தேன் " என்றான்.

"அதான் போன வாரமே பார்துட்டியேடா ? "

" ஆமாண்டா,,ஆனாலும் இன்னொரு முறை பார்க்கணும் போல இருந்துச்சு "

ராவணன் படத்தை குப்பை என உலகமே சொல்லும் போது கூட , அதை ரசிப்பவர்களும் இருக்கிறார்கள் என்பது ஆச்சரயமாக இருந்தாலும், இது இயல்புதான் என் புரிந்தது.. ரசனை பல விதமாக இருக்கலாம்.. அது அவரவர் விருப்பம்...

ராவணன் படத்தை ரசிப்பவர்கள் குறைவு என்பதால், அதன் ரசிகர்களை ஆராயும் ஆவல் எனக்குள் எழுந்தது... உங்களுக்கும் ஓர் ஆவல் இருக்கும்..இதை கூட ரசிக்கிறார்களா ?

ஆமா ..அதை உண்மையிலேயே ரசித்து பார்ப்பவர்களும் இருக்கிறார்கள்... அவர்கள் குறைவு என்பதால், அவர்களின் பொது தன்மையை வைத்து, யாருகேல்லாம் இந்த படம் பிடிக்கிறது என பட்டியல் இடுவது எளிது... இதோ அந்த பட்டியல்..



யாருக்கெல்லாம் ராவணன் படம் பிடித்து இருக்கிறது ?


* வெளிப்படையான ஆபாசம் இருப்பதை விரும்பாதவர்கள்..
* பார்த்ததும் காதல், கதாநாயகி மலையில் இருந்து குத்திதால் கூட சாகாமல் இருப்பது போன்ற சினிமத்தனங்கள் வேண்டும்.ஆனாலும் அது அறிய் ஜீவி முகமூடி அணிந்து இருக்க வேண்டும் என்ற பாமர மனப்பான்மை கொண்டவர்கள்..
* வினோதமான சப்தங்கள் எழுப்புவதுதான் நடிப்பு என நினைப்பவர்கள்.. அதை கடைசியில் கதாநாயகி செய்து காட்டுவது, நடிப்பின் உன்னதம் என மனம் நெகிழ்பவர்கள்.
* இசை, ஒளிப்பதிவு - இவை மட்டுமே சிறந்த படத்தின் இலக்கணம் என நினைப்பவர்கள்..
* யாரை இழிவு படுத்துகிறது என்ற வராலாற்று காரணங்களையோ, மற்ற நாட்டு நடப்புகலையோ அறியாத சுக வாசிகள்.
* இலக்கணத்துக்குள் இருக்கும் எல்லை மீறாத கதையை விரும்பும் நல்லவர்கள்.
* கதாநாயகன் என்றால் அழகாக , மென்மையாக, சற்றே பெண்மை தனத்துடன் இருக்க வேண்டும்,அவனே வெல்ல வேண்டும் என விரும்பும் மெல்லிய இதயம் படைத்தவர்கள்.
* காட்டுக்குள் மாட்டி கொள்ளும் திருமனான கதாநாயகன் , அங்கு யாரவது ஒரு பெண் அன்பு காட்டினால், அவளுடன் காதல் கொண்டால் ஏற்க முடியும்.. ( இப்படி பல படங்கள் வந்துள்ளன ) .. ஆனால் ஒரு பெண் அப்படி காதல் கொள்ள கூடாது ..அப்படி இருந்தாலும் அது மறை முகமாக ( இந்த படம் போல ) காட்டப்பட வேண்டும் என விரும்பும் சிந்தனைவாதிகள்.
* ஒருவனை உயர்த்தி காட்ட வேண்டுமானால் அவன் தங்கை கற்பழிக்கப்பட்ட வேண்டும் என்ற தமிழ் சினிமா விதியை மீறாத கதை அம்சத்தை விரும்பும் கதா ரசிகர்கள்..
* நல்ல படத்துக்கு இலக்கணம் , அது பிளாப் ஆவதுதான் என நினைப்பவர்கள்.

இவர்களுக்கு எல்லாம் இந்த படம் பிடித்து இருக்கிறது...

அதை தவறு என்று சொல்வது நியாயம் அல்ல... ரசனை என்பது ஆளாளுக்கு மாறக் கூடியது...