மைக்ரோ கதைகள்

உழைப்பின் முடிவில்....


சுரங்கத்தில் இறங்கி வேலை செய்யும்போது திடீர் மண் சரிவு. தனியாக மாட்டிக்கொண்டான் ரவி.
மீட்பு பணி தொடங்கியது. உணவுப்பொருட்கள் அவ்வபோது அனுப்ப முடிந்த்து, சிறிய துளை மூலம்.
ஆனால் ஆளை மீட்க நேரம் ஆனது.. மணிக்கணக்கில், நாட்கணக்கில் – மாதக்கணக்கில் நேரம் ஆகி கடைசியில் மீட்டனர்.
அவ்வளவு காலம் பொழுதை கழிக்க , ஒரு விஷ்யத்தை கண்டுபிடித்தான் ரவி.
ஒரு ஈயை பிடித்து , அது தன் சொல்படி கேட்க பழக்கினான். டான்ஸ் ஆடும், குட்டிக்கரணம் போடும், ஓடு , பற, நில் என்ற கட்டளைகளுகு கட்டுப்படும்..
“ இதை காட்டி அனைவரையும் அசத்த வேண்டும் “ அந்த ஈயை வெகு பத்திரமாக எடுத்து வந்தான்..
அவனை உயிருடன் மீண்ட்தை பாராட்ட விருந்து நிகழ்ச்சி நடந்த்து.
அந்த ஈயை டீ கிளாஸ் விளிம்பில் நடனமாட வைத்தான். யாரிடம் காட்டலாம்..
உணவு பரிமாறுபவனிடம் பெருமிதமாக காட்டினான்.
பரிமாறுபவன் பார்த்தான்.
“ சாரி, சார்..கவனமாக இருந்தும் சில ஈக்கள் வந்து விடுகின்றன .”
ஈயை தட்டி கொன்று விட்டு போனான் அவன். “ உங்களுக்கு வேறு டீ கொண்டு வறேன் “



மனுஷனை மனுஷன் சாப்பிடுறாண்டா, தம்பி பயலே

அவர்கள் மனித மாமிசம் தின்பவர்கள். தந்தையும் மனிதனும் வேட்டைக்கு கிளம்பினர்.
ஒரு ஆளை பார்த்தனர்.
“ அப்பா.. இவனை முடித்து விடலாம் “
“ அட போடா..வெறும் எலும்புதான்.. கறி இல்லை “ அப்பா அலுத்துக்கொண்டார்.
இன்னொரு பெரியவர், நல்ல குண்டு , நடந்து வந்தார்.
“ நம்ம டின்னர் ரெடி டாடி “
“ டேய், இவனை தின்னா கொழுப்பு சத்துதான் சேரும். இதயத்துக்கு ஆபத்து “
பையன் நொந்து விட்டான்..
சிறிது நேரத்தில் அழகான பெண் ஒருத்தி- குண்டும் அல்ல ஒல்லியும் அல்ல- அசைந்து அசைந்து நடந்து வந்தாள்..
” சரியான் உணவு ” பையன் உற்சாகமாக கத்தினான்
” பொறுமை..பொறுமை.. இவளை தூக்கி செல்வோம்.. ஆனால் சாப்பிட கூடாது.. அதற்கு பதிலாக , உன் அம்மாவை இன்று சாப்பிடலாம் “


வங்கி

அந்த வங்கியை பல காலம் பார்து வருகிறான்.. ஒரு வாடிக்கையாளராக பலமுறை உள்ளே போய் இருக்கிறான். இன்றுதான் வாடிக்கையாளராக இல்லாமல் நுழைய வேண்டியிருக்கிறது...
துப்பாக்கியை தொட்டுப் பார்த்து கொண்டான்.
“ எல்லாம் நல்ல படியாக முடியுமா “ டென்ஷனாக இருந்த்து..
“கொள்ளை முயற்சியில் ஈடுப்ட்டவர்கள் சுட்டு கொலை “ செய்தி நினைவுக்கு வந்த்து..
மீண்டும் துப்பாக்கியை தொட்டு பார்த்தபடி வங்கியை நோக்கி நடந்தான்.
“ சார், வங்கி காவலுக்கு புதுசா நியமிக்கப்பட்டவன் நான்,.இதோ அந்த ஆர்டர் “ காட்டினான்.