சில பதிவர்களின் பஞ்ச் டயலாக்கும் , நம் கேள்விகளும்

சில நேரங்களில் பதிவுகளை விட, பதிவின் தலைப்புக்கு பக்கத்தில் அவர்கள் எழுதி இருக்கும் பஞ்ச் டயலாக் நம்மை கவர்ந்து விடும்...

இவன் சிரிப்பதில்லை.. எரித்து விடுப்வன்..

மனித வடிவில் மாமிருகம்

உயிரைகொடுப்பவன் அல்ல ..எடுப்பவன்

என்று மிரட்டுவது போலவோ..

கண்ணீரை சுமந்து கவிதைக்காக காத்து இருப்பவள்

முடியா பயணத்தில் , முடிவோடு ஒரு பயணி

காலசக்கரம் நின்றாலும், இவன் கவிதைச்சரம் நிற்காது

என்பது போலவோ தம் பஞ்ச் டயலாக்கை வைத்து இருப்பார்கள்..

இதை எப்படி முடிவு செய்கிறார்கள்.. எப்படி யோசிக்கிறார்கள் என்பதெல்லாம் அவர்க்ளுக்குத்தான் தெரியும்..

ஆனால் சிலவற்றை பார்க்கும்போது, சில கேள்விகள் கேட்க தோன்றும்..

இதை பின்னூட்ட்த்தில் கேட்க அந்த ஆப்ஷன் இல்லை என்பதால், இங்கு கேட்கப்படுகிரது....

 ****************************************************************************************************************************

பதிவின் பெயர் : அன்புடன் அருணா

  

பஞ்ச் :  நின்னைச் சில வரங்கள் கேட்பேன்- அவை நேரே இன்றெனக்குத் தருவாய் -என்றன் முன்னைத் தீயவினை பயன்கள் யாவும், இன்னும் மூளாதொழிந்திடல் வேண்டும். இனி என்னைப் புதிய உயிராக்கி - எனக்கேதும் கவலையறச் செய்து - மதி தன்னை மிகத் தெளிவு செய்து - என்றும் சந்தோஷம் கொண்டிருக்கச் செய்வாய்.

கேள்வி :  கேட்ட வரங்கள் கிடைத்து விட்டனவா?

பதிவின் பெயர்  :vasal

 பஞ்ச் :   உங்கள் இதயங்களின் தலைவாசல்....!

கேள்வி  : எங்கள் இதயங்களால் ஆன வாசலா... அல்லது இதயத்துக்கு வாசலா ?

பதிவின் பெயர் :  குமரன் குடில்

 பஞ்ச் :   நிகழ்வுகள், எண்ணங்கள், படைப்புகள்

கேள்வி  : செயல்கள் இல்லையா?

பதிவின் பெயர் :மாப்ள ஹரிஸ்..

பஞ்ச் நான் கடந்தவைகளும்....என்னை கடந்தவைகளும்..

கேள்வி  : கடப்பவை, கடக்க இருப்பவை பற்றி சொல்ல மாட்டீர்களா?

பதிவின் பெயர் பிரபாகரனின் தத்துபித்துவங்கள்...

பஞ்ச் முதல்முறை முறிந்த கிளையொன்று பூக்குதே..

கேள்வி முதல் முறையாக முறிந்த கிளை பூக்குதா அல்லது ஏற்கனவே முறிந்த கிளை முதல் முறையா பூக்குதா?

பதிவின் பெயர் அன்புடன் ஆனந்தி

பஞ்ச்   Sharing my Thoughts and Interests

கேள்வி எங்கள் எண்ணங்களை அறியும் ஆவல் இல்லையா?

ச்ச்

 

பதிவின் பெயர் சியேஸ் வித் ஜனா

பஞ்ச்  : இது போதையினை பகிர்வதற்காக சொல்லும் ஸியேஸ் அல்ல, அறிவினையும், பஞ்ச் எழுத்துக்களையும் பகிர்ந்துகொள்ளச்சொல்லும் ஸியேஸ்.

 கேள்வி :காரணம் எதுவா இருந்தா என்ன ? சரக்கு கிடைத்தா ஓக்கே தான் ...சரக்கு எப்படி இருக்கும் ? அதை சொல்லுங்க

பதிவின் பெயர் விண்ணோடும்...முகிலோடும்...!

பஞ்ச் ஐம்புலனுரசும் உலகினசைவை பதிய முயலும் என் மனசாட்சியின் எழுத்தாணி

கேள்வி இன்னா இது ? விளக்கம் சொல்லவும்... 

பதிவின் பெயர் மதிசுதா

பஞ்ச் மதியோடையில் நனைவோமா

கேள்வி உலர்த்துவதற்கு டவல் கொடுப்பீர்களா?  

பதிவின் பெயர் தமிழா...தமிழா..

பஞ்ச் ஒன்று எங்கள் ஜாதியே.....ஒன்று எங்கள் நீதியே.... நம்மால் முடியாதது....யாராலும் முடியாது.. யாராலும் முடியாதது....நம்மால் முடியும்

கேள்வி அப்படியா.. அப்படீனா நம் நாட்டுல் ஏன் இவ்வளவு கஷ்டம் ?

பதிவின் பெயர் வானம் தாண்டிய சிறகுகள்

பஞ்ச்...

கேள்வி பஞ்ச் எதுவும் இல்லையே... விஜய் படம் பார்ப்பது ஐடியா பிடிப்பதற்குதானா?

பதிவின் பெயர் கனாக்காதலன்

பஞ்ச்...

கனவுகளில் விடியலைத் தேடி.

கேள்வி : தூக்கத்தில் இருந்து எழுந்தால்தானே விடியல் கிடைக்கும் ?

பதிவின் பெயர் :நான் நானாக...

பஞ்ச்...

எனது எண்ணங்கள், கவிதைகள், நான் ரசித்தவை, படித்ததில் பிடித்தவை.

கேள்வி : படித்த்தில் பிடிக்காதவற்றையும் சொன்னால்தானே நாங்கள் அவற்றை படிக்காமல் எச்சரிக்கையாக இருக்க முடியும்?

பதிவின் பெயர் :கிருஷ்ணகுமார்

பஞ்ச்...

யாம் கண்ட மற்றும் பெற்ற தகவல்களை பிறருடன் பகிர்ந்து கொள்வதில் பெருமிதம் கொள்பவன்....

கேள்வி : நீவிர் செய்த விஷயங்களை பற்றிய தகவல்களை மட்டும் ரகசியாமாக வைத்து கொள்வீர்களா?

பதிவின் பெயர் வம்ப வெலைக்கு வாங்குவோம்ல

பஞ்ச்... உண்மை என்று நீ உறுதி கூறும் ஒவ்வொரு விஷயமும் நீயே உனக்காக உணர்திருக்கும் , தெரிந்திருக்கும் , புரிந்திருக்கும் விஷயமாக இருக்க வேண்டும்

கேள்வி :அப்படி பார்த்தா உலக அரசியலை எப்படி அலசுறது? கடவுள் இருக்கிறார்..கடவுள் இல்லை என எப்படி பேசுவது ?

பதிவின் பெயர் கொஞ்சம் வெட்டி பேச்சு

பஞ்ச்... Approaching everything in life with a sense of humor - a blessing - given by God through my father's genes.

கேள்வி : அவ்வப்போது அழ வைத்து விடுகிறீர்களே !! ?

பதிவின் பெயர் வெறும்பய

பஞ்ச்... மேதைகளின் உலகில் நான் மட்டும் முட்டாளாக..

கேள்வி :  நாங்கள் எல்லாம் மேதைனு நினைச்சா , இத்தனை நாள் பழகிக்கிட்டு இருக்கீங்க ?

பதிவின் பெயர்: நலம் வாழ எந்நாளும் ...

பஞ்ச்... நல்வாழ்த்து நான் சொல்லுவேன் நல்லபடி வாழ்கவென்று ...

கேள்வி :  Top of Form

உங்களுக்கு யார் வாழ்த்து சொல்வது ?

பதிவின் பெயர்: Manathodu mattum

பஞ்ச்... சிறகுகள் வேண்டி காத்திருப்பவள்...ஒரு உற்சாக பயணத்துக்காக.....

கேள்வி : பயணம் முக்கியம் என்றால் கால்களே போதுமே ?

பதிவின் பெயர் தமிழ்வாழ்க..! தமிழன்வளர்க..!

பஞ்ச். “வாழ்ந்தாலும் தமிழுக்கும் தமிழர்க்கும் வாழ்வேன்!வளைந்தாலும் நெளிந்தாலும் தமிழ்பொருட்டே ஆவேன்! தாழ்ந்தாலும் வீழ்ந்தாலும் தமிழ் மேல்தான் வீழ்வேன்! தனியேனாய் நின்றாலும் என்கொள்கை மாறேன்! சூழ்ந்தாலும் தமிழ்ச்சுற்றம் சூழ்ந்துரிமை கேட்பேன்; சூழ்ச்சியினால் பிரித்தென்றன் உடலையிருகூறாய்ப் போழ்ந்தாலும் சிதைத்தாலும் முடிவந்த முடிவே! புதைத்தாலும் எரித்தாலும் அணுக்களெல்லா மதுவே!”-பாவாணர். தமிழுக்கும் அமுதென்று பேர்! - அந்தத் தமிழ் இன்பத் தமிழ் எங்கள் உயிருக்கு நேர்! - பாவேந்தர் பாரதிதாசனார்

கேள்வி : ஆங்கிலத்தை தம் உயிராக அவர்கள் சொல்வதில்லை... ஆனால் அவர்கள் அடைந்த உயரத்தை , இப்படிப்பட்ட வீர உணர்வுமிக்க நாம் அடையவில்லையே ?

 மற்றவை அடுத்தடுத்த பதிவுகளில்