பயங்கர விபத்து : மக்கள் நாயகன் ராமராஜன் படுகாயம், டிரைவர் பலி- ஆளுங்கட்சி சதியா??

மதுரை அருகே நடந்த கார் விபத்தில் மக்கள் நாயகன் ராமராஜன் படுகாயம் அடைந்தார்..  கார் டிரைவர் பலியானார்..



கரகாட்டகாரன் உட்பட பல சூப்பர் ஹிட் படங்களில் நடித்தவர் ராமராஜன்.. ஒரு முறை எம்பியாகவும் இருந்திருக்கிறார்..

கோப்பு படம்

மருத்துவமனையில் சிகிச்சை பெறும் ராமராஜன் (தலையில் அடிபட்டு இருக்கிறது ) 

 சமீபத்தில் ரிலீசான நந்தலாலா படம் ராமராஜன் படம் போல இருப்பதாகவும், படத்தின் இசை ராமராஜன் பட இசை போல இருப்பதாகவும் ஒரு பேச்சு கிளம்பியதால் மீண்டும்  ஸ்டார் அந்தஸ்து பெற்றார்..

தற்போது அண்ணா திமுக வில்  நட்சத்திர பேச்சாளராக இருக்கிறார்.. தீவிரமாக கட்சி கூட்டங்களில் கலந்து கொண்டு பேசி வருகிறார்..

இந்த நிலையில்,  நேற்று திண்டுக்கல் மாவட்டம் ஒட்டன்சத்திரத்தில் பொதுகூட்டம் ஒன்றில் பேசினார்.

அதன் பின் திருசெந்தூரில் இன்று நடக்கவுள்ள உறவினர் வீட்டு விசேஷம் ஒன்றில் கலந்து கொள்ள , நேற்று இரவு இன்னோவா காரில் புறப்பட்டார்..

டிரைவர் ராஜரத்தினம் காரை ஓட்டினார்.. உதவியாளர் தாஸ் உடன் இருந்தார்..

அப்போது எதிர்பாராத விதத்தில் நடந்த விபத்தில் சம்பவ இடத்திலேயே டிரைவர் பலியானார்..

ராமராஜனும், தாஸும் மதுரை அப்பல்லோ மருத்துவமனைக்கு ,ஆம்புலன்சில் கொண்டு செல்லப்பட்டனர்...

தாஸ் லேசான காயத்துடன் உயிர் தப்பினார்..

ராமராஜனுக்கு படுகாயம் ஏற்பட்டுள்ளது.. அறுவை சிகிச்சை செய்ய முடிவு எடுத்துள்ளனர்..

தீவிர சிகிச்சை பிரிவில் அனுமதிக்கப்பட்டுள்ளார், ராமராஜன்...

விபத்து செய்தியை கேள்விப்பட்ட கட்சியினர் ஆஸ்பத்திரியில் குவிந்தனர்..

விபத்து காரணம் சதி வேலையா என்று பரபரப்புடன் பேசப்பட்டது..

கடைசியில், சாலை தடுப்பில் மோதி விபத்து ஏற்பட்டது தெரியவந்தது...

தொடர்ந்து விசாரணை நடந்து வருகிறது...