மனதை கலங்க வைக்கும் கொடூரமும், மறைக்கப்பட்ட வரலாறும்

 நாம் வரலாறு என படிப்பது சில சமயம் கட்டுக்கதைகளாக இருக்க கூடும். உண்மையான வரலாறு கட்டுக்கதையாக தோன்றக்கூடும்.

மறைக்கப்பட்ட, மறக்கப்பட்ட வரலாறுகள் எத்தனையோ உண்டு.

கொடூரங்கள், ஆக்கிரமிப்புகள், வதைகள் என இவற்றின் பேட்டர்ன் ஒரே மாதிரி இருக்கும் என்பதைத்தான் சாரு நிவேதிதாவின் தேகம், சீரோ டிகிரி போன்றவை சொல்கின்றன.

 நம் மண்ணில் நடந்த எத்தனையோ சம்பவங்கள் நமக்கு தெரிவதில்லை..
அந்த வகையில், நம்மிடம் இருந்து மறைக்கப்பட்ட , இதயத்தை கலங்க வைக்கும் , வரலாற்று தகவலை, நண்பர்  நிர்மல் நம்முடன் பகிர்ந்து கொள்கிறார்.

********************************************************************

கொஞ்ச நாட்களுக்கு முன்பு எனது நண்பன் ஒருவன் ஒரு வரலாற்று  கதை சொன்னான் . அதை உங்களிடம் பகிரலாம் என   தோணுது. 

ஒரு நாள் முழுவதும் புலம்பி கொண்டிருந்த அந்த கதையின் சுருக்கம் இது. 

சந்தல் tribal  revolt பற்றி அவன் எனக்கு கூறினான், அவன் ஏதோ  ஒரு டுபாகூர்   புத்தகத்தில்   படித்தானாம், அந்த புத்தகத்தில் சந்தல் Revolt பற்றி ஒரு சிறு குறிப்பு வந்ததாம், பின்பு அதை பற்றி அவன் மேலும் படித்ததை என்னிடம் கூறினான், 

எனக்கு துளி கூட அந்த கதையை நம்பமுடியவில்லை.

              

 சந்தல் என்பவர்கள் வட இந்தியாவில் வாழும் ஒரு பழங்குடினர், அவர்கள் பிரிட்டிஷ் நம்மை ஆண்ட பொழுது பிரிட்டிஷ் சர்க்கார் ஆதரவு ஜமிந்தார்களின் அடக்குமுறைக்கு எதிராக போராடிவந்தர்களாம்.

( பழங்கிடியினரின் நிலத்தை அபகரிக்க, ஜமிந்தார்களும் , பிரிட்டிஷாரும் கூட்டாக செயல்பட்டனர் ) 

 இந்த சந்தல் பழங்குடியினர்களை அடக்குவதற்காக இந்த ஜமிந்தார்கள் பிரிட்டிஷ் ராணுவத்தை கொண்டு   பழமையான போர் கருவிகளுடன் போருக்கு வந்த இந்த சந்தல் மக்களை   துப்பாக்கி, பீரங்கி கொண்டு கொன்று குவித்தார்களாம்.

 இந்த சந்தல் revolt  30 June 1855  நடந்ததாம். இந்த அடக்குமுறையில் 10,000 க்கு மேற்பட்ட அந்த பழங்குடியினர்கள் கொல்லப்பட்டு, பெண்கள் மானபங்க படுத்தப்பட்டு, ஒரு Genocide போல திட்டமிட்டு வன்முறை செய்தார்களாம், 

( பழங்குடியினரின் வீரத்துக்கு முன் எதிரிகளால் தாக்கு பிடிக்க முடியவில்லை. எனவே தந்திரத்தை பயன்படுத்தி அவர்களை வென்றனர் ) 

இது தான் அவன் சந்தல் Revolt பற்றி  படித்த விபரம்.

 மேலும் அவன் படித்த புத்தகத்தில் சந்தல் Revolt என்ற ஒரு வார்த்தைதான் இருந்ததாம், அதை பற்றி மேலும் மேலும் படித்தபோது மிகவும் வேதனை அடைந்தானாம். 

ஒரு வேளை அந்த புத்தகத்தில் இந்த கொடூரங்களை பற்றி எழுதியிருந்தால் கூட அவன் இந்த வேதனையும், சிந்தனை மாற்றமும் வந்திருக்காதாம். மேலும் இந்த சந்தல் மக்கள்தான் 1967 ஆம் ஆண்டு Naxalbari என்ற மேற்குவங்க கிராமத்தில்  நிலசுவந்தர்கள் மீது நடந்த ஆயுத போராட்டத்தில் போராடினர்களாம். இதுதான் பின்பு Naxalite இயக்கமாக மாறியதாம்.

    நான் அவனிடம் சில கேள்வி கேட்டேன், . நான் கேட்டது.

  1   இந்த சந்தல் Revolt 1857  சிப்பாய் கலகத்திற்கு முன்பு நடந்திருக்கிறது அதாவது 1855 ஆம் ஆண்டு. 10000 உயிர்களை தங்களின் சுதந்திரத்திற்காக பலி கொடுத்த இந்த கலகம்தானே உண்மையான முதல் சுதந்திர போர், பின்பு ஏன் அந்த சிப்பாய் கலகத்தை  முதல் சுதந்திர போர் என்று நாம் படிக்கின்றோம் ?

2  இந்த கதை உண்மை என்றால் அன்றைய / இன்றைய  இந்தியாவில் எந்த தாக்கமும் இந்த Genocide  ஏற்படுத்தவில்லையா?      

உங்களுக்கு தெரிந்தால் பதில் சொலுங்கள். இந்த கதை ஒரு கட்டு கதைதானே?

- Mrinzo Nirmal

******************************************

நண்பரே,,, இது கட்டு கதை அல்ல... 

நம் நாட்டில் நடந்த கொடூரம்தான் இது... 

இது இப்போதும் நடக்கிறது என்பதே இதில் இருக்கும் அவலம்...

திட்டமிட்டே இதை மறைத்து விட்ட்னர் என்பதே உங்களுக்கு என் பதில் 

- பார்வையாளன்