பரிணாம வளர்ச்சி என்பது தவறா? –இளைஞன் பார்வையில் இஸ்லாம்

எதையும்  கேள்வி கேட்பது பகுத்தறிவு..

நடை முறையில் பகுத்தறிவு என்பது அப்படி செயல்படுவதில்லை…

கடவுள் இல்லை என நம்புவது மட்டுமே  பகுத்தறிவு என்பதே தமிழ் நாட்டு பாணி.

கடவுள் மட்டும் இல்லை.. அரசியல், சினிமா மயக்கம், அறிவியல் என எல்லாவற்றையும் முன் முடிவு எதுவும் இல்லாமல் பார்ப்பதே உண்மையான பகுத்தறிவு..

அதாவது ஒரு விஷ்யத்தை தேடி கண்டு பிடிக்க வேண்டும்… ஒரு முடிவு எடுத்து விட்டு தேடுதல் கேலிக்குரியது..

அறிவியல் என சொல்வதை அப்படியே நம்பி கொண்டு இருந்தால், உலகம் இந்த அளவுக்கு வளர்ந்திருக்காது..

உலகம் தட்டை என்று சொன்ன அன்றைய “ அறிவியல் “ உண்மை பின்பு மாற்ற்ப்பட வில்லையா?

அறிவியல் என்பது தொடர்ந்து மாறி கொண்டு இருக்கும் ஒன்று..

உதாரணமாக பரிணாம கொள்கை என்பது ஒரு காலத்தில் அறிவியல் உண்மையாக இருந்தது.. இப்போது அதுவே கூட தவறாக இருக்க கூடும் என்ற கருத்து பரவ ஆரம்பித்துள்ளது…

 

உதாரணமா சர்வைவல் ஆஃப் ஃபிட்டஸ்ட் என்ற கொள்கையை பாருங்கள்.

தகுதியுடையதே எஞ்சும் என்பது ஓர் அறிவியல் விதி.

இதற்கு நிரூபணம் என்ன?

யானை போன்ற விலங்குகள் இன்னும் வாழ்கின்றன என்றால் அதற்கு காரணம் அவை தகுதியுடையவை என்றார்கள் ..

ஆனால் தகுதியுடைய, வலிமுடைய விலங்குகள் அழிந்து இருக்க கூடும் என்ற சாத்தியத்தை இப்போது உணர ஆரம்பித்து உள்ளார்கள்.

 

தகுதியுடையது வாழும்,,, வாழும் உயிரினங்கள் தகுதி இருப்பதாலேயே வாழ்கின்றன என்ற அபத்தமான லாஜிக்கை உணர ஆரம்பித்து இருப்பதால் , பரிணாம கொள்கையின் அடிப்படையே தகர ஆரம்பித்துள்ளது…

என்னை பொருத்தவரை கடவுள் இருக்கிறார் , இல்லை என்றோ இந்த கடவுள்தான் உண்மை அந்த கடவுள் பொய் என்றோ எந்த முன் முடிவும் இல்லாமல் ,  ஓர் ஆய்வு மாணவனை போல, ஒரு பார்வையாளனை போல அனைத்தையும் கவனிப்பது வழக்கம்..

இப்படி இருப்பதால், கடவுள் என ஒருவர் இருந்தால், கண்டிப்பாக அவர் என்னை ஏற்பார் , என் ஆர்வத்தை மதிப்பார் என்பது என் எண்ணம்..

அப்படி கடவுள் என யாரும் இல்லாவிட்டாலும் கூட வாழ்வில் பல விஷ்யங்களை தெரிந்து கொண்ட திருப்தி கிடைக்கும் ..

கடவுள் இல்லை என தீவிர நம்புவது ஒரு வித மன தடையே.. அதே போல ஆன்மீகம் சார்ந்த மூட நம்பிக்கைகள், சாமியார்களை நம்பி ஏமாறுதலும் மன தடைதான்..

இதெல்லாம் இல்லாமல் , வெறும் தேடலுடன் மட்டும் இருந்தால் எத்தனை எத்தனை விஷ்யங்கள் நம்மை சுற்றி கொட்டி கிடக்கின்றன.

 

கிறிஸ்தவ பள்ளியில் படித்ததால், சிறு வயதில் இருந்தே பைபிள் அறிமுகம் உண்டு..

வாழ்வின் அனுபவங்கள் சேரும் போது அது ஒவ்வொரு அர்த்தம் அளித்து வருவதால் அதை இன்னும் படித்து முடிக்கவில்லை..

அதே போல கீதையும் அவ்வப்போது படிப்பதுண்டு..

ஆனால் குர் ஆன் அவ்வளவு பரிச்சயம் இல்லாமல் இருந்து வந்தது…

சமீப கால கட்டத்தில் அதையும் படிக்க ஆரம்பித்து இருக்கிறேன்..

அடடா… இத்தனை காலம் படிக்காமல் விட்டு விட்டோமே..இதை பற்றி தெரிந்து கொள்ளாமல் போய் விட்டோமே என வருந்தினேன்..

சென்ற வாரம் நான் படித்த ஒரு வாசகம்…

அவன் நாடினால் உங்களை அகற்றி விட்டு உங்களுக்கு பதிலாக ஏதேனும் புதிய படைப்பை கொண்டு வந்து விடுவான். இவ்வாறு செய்வது அல்லாஹ்வுக்கு சிரமமல்ல- திருக்குர் ஆன் – 35:16

படித்ததும் திகைத்தேன்..

இது என்ன சொல்கிறது?

மனித இனம் அழிந்து அதற்கு பின் வேறொரு உயிர் தோன்றுமா என யோசித்தேன்..

யோசித்து பார்த்தால் பரிணாம வளர்ச்சி என்பதற்கெல்லாம் ஆதாரம் இல்லை…

ஏதோ ஒரு இயற்கை சக்தியால் , ஒரு அபூர்வ நிகழ்ச்சியால்தான் மனிதன் உண்டாகி இருக்க முடியும்..

அந்த இயற்கை சக்தியை அல்லா என்றோ அல்லது வேறு பெயரிலோ சொல்லலாம்.. ஆனால் ஓர் இயற்கை சக்தி இருப்பதை யாரும் மறுக்க முடியாது…

இதை குறித்து நண்பர் அரபு தமிழனிடம் விளக்க்கம் கேட்டேன்..

அவர் பதில் அனுப்பினார்…

”மேற்கண்ட வசனம் இறை நம்பிக்கையாளர்களை விளித்துச் சொல்லப் பட்டது. நீங்கள் நான் கொடுத்த பொறுப்பைத் தட்டிக் கழித்தால், நான் (மனிதர்களில்) வேறொரு சமுதாயத்தைக் கொண்டு இப் பணியை வாங்கிக் கொள்வேன் என்ற அர்த்தத்தில் சொல்லப் பட்டது.
மனிதர்களுக்கு முன் இப் பூவுலகின் ஆட்சி ஜின்களுக்குக் கொடுக்கப் பட்டிருந்தன. அவைகள் செய்த அட்டூழியத்திற்குப் பிறகு மனிதன் அனுப்பப் பட்டு அவனிடம் ஆட்சி கொடுக்கப் பட்டுள்ளது. இந்த இரு இனத்திற்குப் பிறகு வேறு ஒரு புதிய கூட்டம் வரப் போவதில்லை.”

'தன்னால் கொண்டு வர முடியும்' என்று இறைவன் கூறினாலும் மனிதன்,ஜின் இந்த இரண்டைத் தவிர‌
சோதனைக்கு உட்படுத்தப்படும் வேறு புதிய யாரும் வரப்போவதில்லை என்பதுதான் எல்லோருடைய ஏகோபித்த கருத்து

இது அவர் அளித்த பதில்..

”நான் மறைவானப் பொக்கிஷமாக (தனியாக) இருந்தேன்.

எனது அருமை பெருமைகள் அறியப்பட விரும்பினேன். எனவே என்னிலிருந்து ஒளியை எடுத்து அதிலிருந்து படைப்பினங்களைப் படைத்தேன். எனது படைப்புகளில் ஆகச் சிறந்த படைப்பு, மனிதன்”

புகை அற்ற நெருப்பின் ஜ்வாலையால் அவன் ஜின்னை படைத்தான் “

இது போன்ற கருத்துக்களை ஆழ்ந்து யோசித்து வைத்தன….

 

ஒரு விஷ்யத்தை இருக்கிறது , இல்லை என அவசரமாக பேசுவ்தை விட, தெரிந்து கொள்ள வேண்டும் என்று அணுகினால் எத்தனையோ கதவுகள் நமக்காக திறக்க காத்து இருகின்றன..

அறிவியலை குறிப்பிட்ட அளவுக்கு மேல் படிக்க்க ஆரம்பித்தால் , தத்துவ நூல் போல தோன்றும்//

அதே போல மத நூல்கள் , குறிபிட்ட அளவுக்கு மேல் அறிவியல் போல தோன்றும்…

 

நான் குறிப்பிட்ட ஒரு வரி என்னை ஒரு வாரம் யோசிக்க வைத்தது.. படிக்க வைத்தது…

படிக்க படிக்க , இன்னும் படிக்க வேண்டும் என்றே தோன்றுகிறது..

கடந்த தலைமுறை செய்த தவறை நாமும் செய்ய கூடாது…

உண்மையான பகுதறிவு என்பது அனைத்தையும் அறிவதே.. எதையும் தெரிந்து கொள்ளாமல் இருப்பது பகுத்தறிவு அல்ல..