சுஜாதா , நகுலன் , கடவுள் – படித்ததில் பிடித்தவை

 

கடவுள் பற்றி எழுத்தாளர் சுஜாதா..

 

இந்த நூற்றாண்டின் மிகப்பெரிய விஞ்ஞானி ஐன்ஸ்டீன் நாத்திகர் அல்ல. ஒரு முறை ஒரு யூத மதகுரு “ நீங்கள் கடவுளை நம்புகிறீர்களா” என தந்தியடித்து கேட்டார். ஐன்ஸ்டீன் பதில் தந்தி அடித்தார்.

“ நான் ஸ்பினோஸாவின் கடவுளை நம்புகிறேன். பிரபஞ்சத்தின் அத்தனை விதிகளின் ஒருமைப்பாட்டிலும் தன்னைக் காட்டிக்கொள்ளும் கடவுளைத்தான் நம்புகிறேன். நம்முடைய தின வாழ்வின் செயல்பாடுகளை கட்டுப்படுத்தும் கடவுளை அல்ல “

நவீன க்வாண்டம் மெக்கானிக்ஸில் சிருஷ்டியைப்பற்றி சில ஆதாரமான சந்தேகங்கள் வந்துள்ளன. சில கோட்பாடுகள் ரொம்ப உதைக்கின்றன. ஹைசன்பர்க்கின் ‘ நிச்சயமில்லா தத்துவத்ததை “  பற்றி சொல்லும்போது ஐன்ஸ்டைன் “ கடவுள் பிரபஞ்சத்துடன் சூதாட மாட்டார் “ என்றார். விஞ்ஞானத்தில் சில ஏன்களுக்கு பதில் வேண்டுமானால் கடவுள் தத்துவத்தில் சரணடைய வேண்டும். உதாரணம் ஒளியின் வேகத்தை மிஞ்சவே முடியாது என்பது தெரிகிறது. ஏன் என தெரியவில்லை.

 

***********************************************************************************************************

நகுலன் கவிதைகள் சில…

1 நினைவு ஊர்ந்து செல்கிறது

பார்க்க பயமாக இருக்கிறது

பார்க்காமலும் இருக்க முடியவில்லை

 

2 அவர் பல உண்மைகளை சொல்கிறார்

ஓர் உண்மையை சொல்லாமல் இருப்பதற்கு

 

 

3  நில்

  போ

வா

 

வா

போ

நில்

 

போ

வா

நில்

 

நில் போ வா ?

 

4 என்னை பார்க்க வந்தவர்

தன்னை பார்

என சொல்லி சென்றார்